الأربعاء، 19 ديسمبر، 2012

سؤال محيرني ؟!

ليه دايما بيكون الحب الجارف الممتع اما من غير جواز او بخيانة ؟! ليه دايما مش بنشعر بقيمة الحاجة اللى في ايدينا الا بعد ما تروح منا ! دايما القصص تقول لنا عن قصة حب لا قبلها ولا بعدها وفي لحظة تقرر البنت اللى عايشة مع حبيبها ومن غير جواز وبعلاقة كاملة تقرر انها عايزه تتجوز وهو يقرر انه مش عايز او غير مستعد او مش جاهز نفسيا او او او .......
وبعدين تتجوز عشان نفسها تخلف او تكمل حياتها باستقرار وتكتشف بعد كده ان حبيبها اتجوز للعند او لغيره !!!! المشكلة انها تفضل تحبه وهو كمان ويرجعوا لبعض تاني ....
ليه ؟ معني اني الاقي الحب اللى بتمناه يبقي اي حاجة ح اعملها في لحظة غضب هي انتقام من نفسي اولا قبل اى حد تاني 
طبعا حكاية انهم عايشين مع بعض ف علاقة حرام من الاول ف كل ما يُبني علي خطأ فهو خطأ ... بس ليه تتجوز وتتعس قلبها , ليه التخلف بيمتلك العقل لما القلب يحب ويفرح , ليه اظلم نفسي واصعب شئ علي المرأة انها تعطي جسمها لمن لا تريد , ليه اقرر نسيان حب بعمل غبي او نسيان حب ببيع جسمي 
مش عارفة حبيت افضفض في الموضوع ده ... واللى ينرفز اكتر انهم لا يطلبون الطلاق حياة الحرام تكون ممتعة لهم اكتر ......
الحب لا يأتي في حياتنا الا بطريق الصدف والحظ فلا نفرط فيه باي سبب او طريقة للعند والتخلف واثبات وجهه نظر 
البحث عن شريك للحياة مش عشان اخد لقب متزوجة او عشان اجيب اولاد او يكون ليا بيت مستقل " طبعا ده مطلوب " ولكنه مش الاساس الاساس هو التغير في الحياة ان حياتنا قبل الجواز تختلف في كل حاجة نحس بالفرق مش في تعاملاتنا واطباعنا وبس وكمان في نظرتنا للحياة ........ 
ليه نعيش ونموت في كل لحظة ونقتل كل ما فينا ونعذب روحنا بصرخة أشد وأصعب ما فيها انها مالهاش صوت صرخة الروح مؤلمة .. بنعيش مرة واحدة ف مفيش داعي للغباء والتخلف لروحنا كفاية غباوة الحياة !!!

الجمعة، 14 ديسمبر، 2012

هل هؤلاء مسلمين ؟!

غريب جدا ما يحدث في العالم العربي خاصة دول ما بعد الثورة كما يقال الربيع العربي أنا اراه خريف وليس ربيع !
هل الفساد فعلا له نظام ويخفي داخله الفوضي ؟! هل الفساد مرتبط بالحكومة والحاكم فقط دون باقي الشعب ؟! وهل الفساد مع الاستقرار والامان افضل ؟!
المشكلة ان الذين يمسكون الحكم يسمون انفسهم " مسلمين " هل هؤلاء مسلمين !


عندما رسم الغرب صور مسيئة لرسول الله صلي الله عليه وسلم وقامت الدنيا وحزن الكثير وألفوا أغاني وشتموا وسبوا ووووو......
ليه ؟! الأشخاص اللي شتمت وسبت النبي لا تعرفه ولم تراه فلما قامت بذلك ؟!
هم يرون محمد والاسلام فينا نحن المسلمين إن آمنت به وصدقته اذا انت تمشي علي خطاه " المفروض " اذا انت صورة مصغرة من أقواله وأفعاله ... هل ابن لادن والظواهري وشيوخ الكوسة والارهاربيين صور لرسول الله ! 
لا تغضبوا منهم اغضبوا ممن أعطوا لهم هذه الصورة عن الاسلام ! اى شخص غربي يُسلم ثم يأتي لبلاد المسلمين يحمد الله انه عرف الاسلام قبل المسلمين وإلا ما كان ليُسلم ! نحن ننسي قول القرآن " ان الله لا يغير ما بقوم حتي يغيروا ما بانفسهم " علينا بالتغير لما امرنا الله به لا بالشعارات فقط 
شعار النظافة من الايمان هو شعار ولكن لا يطبق .. ليه ! هو حديث مثله مثل الكثير من الأوامر والنواهي التي امرنا بها الله ورسوله ولكننا نتبع العادات والتقاليد ونحرص عليها اكثر عشان " كلام الناس " 
المسلم من سلم المسلمون من لسانه ويده ! لا ولن اعترف بشيخ يشتم ويلعن اي شخص وان كان كافرا ومشركا بالله لم يفعلها رسول الله حتي مع من اذوه من الكفار واليهود ولا مع المسلمين اصحاب فتنة حادثة الافك وقولهم في عرضه صلي الله عليه وسلم !