الثلاثاء، 14 أكتوبر 2014

القيمة

عشان تتقدم لازم تعرف انت فين وايه وضعك وايه امكانياتك
يعني لازم تعرف نفسك , تعرف مميزاتها وعيوبها , النقص اللي فيها هل هو طبيعي يمكن علاجه ولا نقص مرضي ملوش علاج
لازم تعرف قيمه نفسك , كل حاجة لها قيمة ولها متخصص بيحدد قيمتها يعني الجواهرجي مش ممكن يحدد قيمة الحرير والعكس 
فأنت الوحيد اللي تقدر تحدد قيمتك من خلال شوية حاجات أهمها
صورتك قدام نفسك , ثقتك فيها , رغبتك في مواصلة الحياة معاها , طريقة حكمك علي الأشخاص ولا الأفكار
أسوأ حاجة لما تحدد وتخصص رحمتك وانسانيتك وعطفك علي حسب الشخص مش الموقف
ده دليل علي فقد جزء من نفسك , جزء بيزحف عليه الضلمة بيقرب ويلتهم جزء منك
وكل ما الضلمة جواك بتزيد كل ما اللامبالاة وقسوتك بتزيد في مقابل ضعف الانسانية والرحمة مش ضد اشخاص معينة لأ ضد الكل حتي نفسك
بتفقد السيطرة في العطف علي نفسك وتحاول تأذيها لأنها السبب في وصولك لكده
لأنها كانت ضعيفة وقبلت واستسلمت للضلمة 

إذن فيه طريقين لا تالت لهم :
 إما انك توقف استحواذ الضلمة عليك بأنك ترحم وتعطف لأجل الله لا الشخص ولا الموقف
أو تغرق في الهاوية التي لا أمل في نهايتها ولا الرجوع منها !



الخميس، 2 أكتوبر 2014

ممكن 


أحيانا أشعر بأن هذه الحياة التي نعيشها هي بث تجريبي لحياتنا الأصلية وأننا سوف نحيا لا نعيش فقط 
ويوما ما سنعيش ونحيا كما نريد ونحب تماما وممكن نطير :)
يوما ما سنمتلك الحرية الكاملة 

أو ما نعيشه مجرد حلم طويل وعندما نصحو سنحاول وفعلا نغير ما نحن فيه

أو ما نعيشه ليس إلا قصة يقرأها الآخرين ونحاول الخروج من القصة لنغير حياتنا بدل ما هي مرهونة بمزاج كاتب ما !


لعل الحلم والخيال في تغيير حياتنا أسهل من تغييرها فعلا !