رسالة الي الله 

ليه خلقتنا ومفيش اختيار في حياتنا , بداية حياتنا اللي منها بتسلسل باقي الحياة 
لا اخترت اهلي ولا شكلي ولا حتي انا مين ولد او بنت
ليه لازم اعيش ومفيش اختيار اني لو معرفتش اكمل في الحياة اللي لم اختارها إني أنهي حياتي علي الاقل ح اختار اعيش او اموت ! وأحس إني لي حق في الاختيار وأعرف إن حياتي لها قيمة .
ليه مفيش عدل ولا رحمة لا في الحياة ولا بين الناس ولا جوه الناس
ليه الظلم والكدب والكره اللي أسود من ظلام الليل 
ليه ظلام الليل مش بيطلع بعده نهار زي الحياة ليه من ظلام لظلام
ليه الشهوة بتتحكم في حياتنا وهي مغروسة فينا وكل اللي حوالينا بيغرسها أكتر والأسوأ إننا لا بنتحكم في نفسنا ولا عندنا الهدف اللي يخلينا نتحكم !
ليه مفيش احتمال ان الحظ او الحياة تتبدل من ظلم وتعاسة لشوية أمل و محبة 
ليه ناس يتحكم عليها بالسجن داخل الحياة !
ليه ناس بتعيش الحياة وناس بتتفرج علي الحياة !
ليه بنموت قبل ما نعيش !
ليه وليه وليه 
ألف سؤال من غير إجابة أو إجابة معروفة عند الكل عشان ربنا عايز كده , له حكمة في كده , عشان تستمتعوا في الآخرة , عشان الدنيا منتنة ومفيش مكان فيها للمؤمن !
مش بشكك في الله ولكن الظلم الزيادة يفوق العقل البشري المحدود
مينفعش تلوم منتحر عشان اتخلص من حياة انت متعرفهاش ولا عشتها 
الانتحار هو آخر مرحلة من مقاومة بين العقل والحياة
           هو الفاصل بين قوة التحمل وبين الضغط 
           هو آخر نقطة في طريق طويل كله ألم ووجع ومرارة 
           هو موت الروح وانتهاء دموع القلب 
           هو فقد الأمل تماما والاستسلام بأي نهاية حتي لو كانت النار والخلود فيها ,
           من نار لنار مفيش فرق كبير
          هو الأمل في نهاية العذاب !
         

السعادة

يعني ايه السعادة ؟! وايه اسبابها ؟!
في الحب ولا الجواز ولا الفلوس ولا الحرية ولا الأمان ولا الأولاد ولا راحة البال ولا العمل ولا ........
لازم كل واحد هو يحدد إيه مصدر السعادة وإيه اللي ممكن يسعده 
ناس قالتلي لازم تسعدي نفسك بنفسك لأنك الوحيدة اللي عارفة ايه اللي يسعدك !

أنا مش عارفة .....
يمكن لأن السعادة بالنسبة لي هي عدم الإحساس بالظلم ... بالألم ... بالوحدة 
يمكن السعادة في إنك
تلاقي نفسك بتحاول ترضي ربنا في أخلاقك وعبادتك عشان رضاه وبس
تلاقي حواليك قلوب بتحبك وبتسأل عليك من غير سبب
ناس بتدور عليك بس عشان انت وحشتها

ويمكن اللي بيسعدني 
إني أضحك من غير ما أفكر , أضحك عشان أضحك
إني أساعد حد أي حد سواء طلب المساعدة مني أو لأ
إني أنسي إمبارح وبكره 
إني أفتكر ذكري جميلة حتي لو معاها وجع
وأكتر حاجة إني أكبر دماغي من الدنيا وناسها واللي حواليا 

مش عارفة حقيقي سؤال صعب !
لما السعادة تيجي وتعشش جوا قلبي أكيد ح أعرف إيه السبب ..

قتال أم جهاد

عندما حدث ما حدث في سوريا ونادي الشيوخ بالجهاد ضد بشار وفتح الباب لأهل سوريا في بلادنا .. كنت استغرب هم فئتين من المؤمنين أمرنا الله بالإصلاح بينهم وإن لم يحدث " نقاتل " التي تبغي لا جهاد !!!!!! 
أين الحديث عما يحدث في البحرين لا فرق بين ما يحدث في سوريا عن البحرين , فلما لا يوجد بها جهاد !!! لما لا يدعون حتي للمصالحة او التفاهم أو مؤتمر !!! لا يوجد حرف لا في قناة الجزيرة ولا أي قناة عربية ولا مجلس الأمن ولا أمريكا داعمة الحرية ولا حتي حقوق الإنسان !!!!!!!!!
طيب يمكن ده التطور الطبيعي للزمن !!!!!!!
افريقيا من سنين فيها صراعات داخلية ويتم فيها اضطهاد للمسلمين وأيضا المسيحيين , مفيش حد لا من الشيوخ سمعت أنه ذهب للدعوة هناك ولا فتح باب للجهاد ولا حتي طالب أن الباب يتوارب !!!!!!!
ودلوقتي فيه في السودان وكتير من دول افريقية مثل ما يحدث في سوريا !!!!!!!!!!! لماذا لا توجد معاملة بالمثل 
يمكن بنات افريقيا لا يستحقون الجهاد من أجلهم بينما بنات سوريا يستحقون !!!!
أموال البحرين وحفظ ملكهم أهم حتي لا يتزعزع أمن باقي الملوك !
إذن لا علاقة للدين في القتال , هي مصلحة أو هدف سياسي أو تجارة أو أي شئ غير الدين والجهاد 
فالجهاد لقتال غير المسلم دافعاً عن نفسك ومالك وأرضك وعرضك وشرفك 
نعم " دفاعاً " فقط لا يجوز القتل لمجرد إنه كافر !

الإنسانية والأخلاق والرحمة و.......... لا علاقة لها بالدين ولا الانتساب لجماعة دينية محددة ولكن هي مرتبطة بمعتقد الفرد وإيمانه بالخير والشر , إيمانه بالرحمة والعدل , إيمانه بالانسان !

كفاية متاجرة بــ سوريا وفلسطين , كل من يتكلم عنهم ويدافع عنهم بحجة الدين دون ذكر باقي ما يحدث لباقي البشر في أماكن اخري فهو كاذب ومدعي ويكذب علي نفسه قبل الآخرين

الوحدة
هي أن لا تري حولك إنسان يحمل معاني الإنسانية
 أن تري وجوه تبتسم عندما تريد منك شئ فقط وبعد ذلك لا أثر لهم 
أن تجد نفسك غريب في منزلك ووطنك ومع أقرب وأبعد الناس عنك
أن يتساوي الناس في كل شئ عندك فلا خير ولا شر فيهم  مجرد أشباح 
أن تكون كطائر حُكم عليه أن يسير فقط ولا يطير
أن يبكي القلب ولا يري ويشعر بدمعته أحد
أن تصرخ بلا صوت ,, وتبكي بلا دموع
أن تجد لحظات السعادة في ذكري أليمة لمجرد أنها كانت السبب في ضحكة حتي وإن كانت مزيفة
أن تبحث عن من يفهمك كالذي يبحث في الصحراء عن واحة خضراء
أن تبحث عن من يفهم صمتك كالذي يبحث في الرعد عن الأمان
أن تبحث عن الحب في بشر لا يملكون قلوب
أن تبحث عن نفسك فلا تجد ما تريد
أن تبحث عن حلم وعمر ضاع وسرقته الحياة منك ولا قانون يأخذ حقك منها وهي سارقة ولها سوابق في السرقة معك ومع غيرك
أن تبحث عن قلبك فتجد عبارة " ذهب مع الريح " 

الحظ 
هو مفتاح السعادة , أن تبتسم لك الحياة ابتسامة لا شقاء فيها 
ابتسامة تفتح لك كل الأبواب وكأن معك الماستر كي لفتح جميع أنواع الأبواب :)
أن تفتح ذراعيها لك لتأخذك من عالمك لعالم آخر أفضل مما كنت تحلم أو تتخيل 
أن تجعل العالم أمامك بدون قيود ولا شروط ولا متاعب 
أن تكون لك كل أبواب وحتي شبابيك الحياة تتقدم لك حتي تفتحها !

حياة او موت

ما الفرق بين الحياة والموت !
هل فناء الجسد موت , أم فناء الروح موت ؟!
وهل تفني الروح وكيف تفني أصلا !
من وما يحدد الموت من الحياة
الموت يُجهز علي الحياة , يجعلها عادية بلا طعم ولا شكل , مثل من يتفرج علي شريط سينما لا يملك أن يتدخل في عرضه .
فهل معني هذا أن البعض ميت وهو حي ! 
تموت الروح والجسد يأكل ويشرب ويتنفس
ويموت الجسد تقريبا في حالة النوم والروح تهيم في ملكوت آخر
ليس كل من يتنفس حي !!! 

لكي نكون أحياء فعلا علي الجسد والروح أن يشعروا بالحياة , أن يُغيروا ويتغيروا , أن الأمس يختلف عن الحاضر , أن يشعروا بالحياة ونسماتها ولحظاتها !
أن تحيا بمعني أن يتناغم معك كل ما في الوجود , تتخيل أن العصافير تغرد لك , أن الشمس تشرق لفرحك , أن القمر موجود لسعادتك , أن الحزن مات حزنا لسعادتك :) نعم هي ليست حقيقة ولا تحدث ولكن أن تشعر بنبض الحياة فيك تجعلك تؤمن بذلك وتحبه وتجعل عقلك يتعامل معه علي أنه حقيقة مسلمة . 
لا نعيش إلا مرة واحدة في الدنيا ولا نفهمها ونحن فيها أو نفهمها متأخرين .

الضياع 

 هو ان تجد نفسك وحيدا سواء كنت وحدك او مع اخرين
ان تجد الفراغ اوسع من الكون 
ان لا تجد في الحياة خيارات متاحة امامك كلها إجبار بصورة اختيار
ان تجد روحك تسبح ضد التيار وفي عكس الاتجاه
نعم الضياع ليس ضياع في الطريق فقط ولكن ان لا تجد هذا الطريق
تبحث عنه ولا تدري ملامحه ولا طرق الوصول اليه
الضياع بين الحق والباطل وكلا منهما له وجوده الفعلي وله مدافعيه واحيانا مقاتلين عنه
الضياع بين ما أكونه حقيقةً وبين ما يراه الآخرين 
الضياع بين الدين وجماله وسماحته وبين العادات والتقاليد والمتشددين
الضياع البكاء علي الأطلال ومنع وامتناع العقل التفكير والترتيب للغد
الضياع بين الحلم والواقع , بين ما نتمناه ونتخيله ونعيش من أجل تحققه وبين ما يحدث 
لنا فعلا
الضياع بين ما يريده قلبي وما يفعله عقلي !!!!
الضياع أن تكون لا شئ