الانتماء
فيه ناس تنتمي لفكره أو لحزب أو لجماعه أو لشئ أيا كان
الانتماء هو وجود أشياء مشتركة كتيرة وكمان أشياء مختلفة ,مفيش تطابق بين أي شئ .
ليه ننتمي ل حاجة عشان بتكملنا وتشبهنا لحد كبير , عشان بنشوف فيها حاجة مننا وزينا
بس أهم انتماء هو انتمائك لنفسك وتلاقي العوامل المشتركة بينكم وتكون الاختلافات أقل ... انتمائك لنفسك هو بداية تصالح وفهمك لها وكمان فهمها لك !
هو معرفة بداية الطريق اللي ح تكملوا سوا وعمل الطريق حتي لو مش موجود واختراع طريق لفكرة أو عمل جديد من نوعه , المخترعين هم بشر لا فيهم عقل او جزء زيادة عن باقي البشر ! وجدوا طرق لم يخطها بشر قبلهم !
ومعرفة الخطوط العريضة لحياتك ومعرفة انت رايح فين تحديدا وح تروح ازاي !
بمعني تاني تحديد هدفك ومعرفة قدراتك ومواهبك اللي ربنا ميزك بيهم عن غيرك ومعرفة انت ليه موجود وليه اتخلقت !!
اوقات فيه ناس بتوصل لبداية الطريق لانتمائها لنفسها بمساعدة الغير , سواء بكلمة أو بعمل أو حتي صدفة
وفيه ناس تفضل عمرها متعرفش أصلا التفاهم والانتماء لا لنفسها ولا لشئ , حياتها روتين يومي بين الشغل والشغل وكآبه الحياة
بتموت وهي لسه عايشة علي وش الارض , ايامها وسنينها شبه بعضها
شبه يوم الشتا الطويل نهاره غامق من غير شمس ولا دفا وليله طويل ساكن كالقبر !
وتفضل زي الطور اللي مربوط في ساقية نهاره زي ليله ويومه هوه هوه متكرر يدور ويلف دائما بلا تغيير .
لو عرفت اتصالح معاها , لو عرفت انتمي لها واجعلها تنتمي ليا ... ممكن أوصل وألاقي الطريق . الطريق الي الحياة , الطريق لتغيير الحياة ونحن فيها وحتي عندما نغادرها , الطريق الي ان نعيش يوم بعُمر ولحظة بمائة عام !
فيه ناس تنتمي لفكره أو لحزب أو لجماعه أو لشئ أيا كان
الانتماء هو وجود أشياء مشتركة كتيرة وكمان أشياء مختلفة ,مفيش تطابق بين أي شئ .
ليه ننتمي ل حاجة عشان بتكملنا وتشبهنا لحد كبير , عشان بنشوف فيها حاجة مننا وزينا
بس أهم انتماء هو انتمائك لنفسك وتلاقي العوامل المشتركة بينكم وتكون الاختلافات أقل ... انتمائك لنفسك هو بداية تصالح وفهمك لها وكمان فهمها لك !
هو معرفة بداية الطريق اللي ح تكملوا سوا وعمل الطريق حتي لو مش موجود واختراع طريق لفكرة أو عمل جديد من نوعه , المخترعين هم بشر لا فيهم عقل او جزء زيادة عن باقي البشر ! وجدوا طرق لم يخطها بشر قبلهم !
ومعرفة الخطوط العريضة لحياتك ومعرفة انت رايح فين تحديدا وح تروح ازاي !
بمعني تاني تحديد هدفك ومعرفة قدراتك ومواهبك اللي ربنا ميزك بيهم عن غيرك ومعرفة انت ليه موجود وليه اتخلقت !!
اوقات فيه ناس بتوصل لبداية الطريق لانتمائها لنفسها بمساعدة الغير , سواء بكلمة أو بعمل أو حتي صدفة
وفيه ناس تفضل عمرها متعرفش أصلا التفاهم والانتماء لا لنفسها ولا لشئ , حياتها روتين يومي بين الشغل والشغل وكآبه الحياة
بتموت وهي لسه عايشة علي وش الارض , ايامها وسنينها شبه بعضها
شبه يوم الشتا الطويل نهاره غامق من غير شمس ولا دفا وليله طويل ساكن كالقبر !
وتفضل زي الطور اللي مربوط في ساقية نهاره زي ليله ويومه هوه هوه متكرر يدور ويلف دائما بلا تغيير .
لو عرفت اتصالح معاها , لو عرفت انتمي لها واجعلها تنتمي ليا ... ممكن أوصل وألاقي الطريق . الطريق الي الحياة , الطريق لتغيير الحياة ونحن فيها وحتي عندما نغادرها , الطريق الي ان نعيش يوم بعُمر ولحظة بمائة عام !
ليست هناك تعليقات:
إرسال تعليق